کوردستان ئۆنلاین -سلێمانی:

رۆژی 2ی حوزەیران (سایە فاتیح) بە ئۆتۆمۆ بیلەکەی خۆی لە سلێمانیەوە ،بەرەو بازیان کەوتە رێ ولە ماڵی مامی بە گولەیەک کۆتایی بە ژیانی خۆی هێنا و بەو مەرگەی بە دەیان پرسیاری وەڵام نەدراوەی بە جێ جێهێشت، بەبەڵگەنامەکانی کە لە دوای خۆی بە جێی هێشووە ، دەریدەخات ،  کە جیابوونەوە لە هاوسەرەکەی (توانا عوسمان) هۆکاری سەرەکی بووە  لە تووشبوونی بە بێئومێدی لە ژیان و پێشوەختە بڕیاردان لە خۆکوشتن بە جێهێشتنی کۆرپەیەکی تەمەن 3ساڵ و حەوت مانگ کە مانگێک تێپەڕ بووە بە سەر رووداوەکەدا و رۆژانە چەند جارێک سۆراخی دایکی دەکات.

سایە و هاوسەری پێشووی توانا عوسمان  لە رێی هاوڕیەتی و خۆشەویستیەوە لە ساڵی 2003 دا،هاوسەرگیرییان کردووە ، بە وتەی توانا و هاوڕێکانیشیان لە چوار ساڵی یەکەمدا گرفتی ئەوتۆیان نەبووە و گرفتەکانیان زیاتر لە دوو ساڵی دواییدا سەریهەڵداوە ، دوای ئەم روداوە بە هۆی نزیکیان لە ناوەندی رۆژنامەوانی و رۆشنبیرییەوە ، زیاتر رووداوەکە هەستەوەرە  بە وتەی هەندێک  رووداوی خۆکوشتنی ئەو ژنە بەشێوەیەک لە شێوەکان زوڵمی لێکراوە ، چونکە هاوڕیەتی نێو ناوەندەکە لێنەگەڕاوە ، وەک پێویست تیشکی بخرێتە سەر و لە ئەنجامدا  ، ئەگەر ئەو ژنە زوڵمی لێکرابێ باشتر بخرێتە بەردەم رای گشتی .
بە وتەی بەڕێوە بەری گشتی بە دواداچوونی توندوتیژی دژی ژنانی سلێمانی " لەم وڵاتەدا  بەهەزاران سایەو توانا هەن هەمان  کێشەو هەمان گرفتی ژیان ئازاریان دەدات و کێشەکانیان بە چارەسەر ناگات ، بەڵام لە بەر ئەوەی ناناسرێن نابنە باس  ."
باس لەوە دەکرێ کە سایە لە رووی دەروونیەوە ئازاری چێشتبێ ، تا کار بگاتە ئەوەی خۆی بکوژێ ،، ئەوەش لە چوار چێوەی ئەو داوایەدا باس کراوە کە بنەماڵەکەی لە رێی دایکیەوە تۆماریان کردووە ، بەڵام براکەی سایە رازی نەبوو لێدوان بدات تا لێکۆڵینەوە تەواو دەبێ،، سەر لەبەری روداوەکەش بە هۆی خۆکوشتنەکەیەوە ئاڵۆز بووە ، ئەگەر نا جیابوونەوەیەکی ئاسایی هەر ژن و مێردیک بووە کە بە دەیان حاڵەتی وا رۆژانە روودەدات ، بە وتەی هەموو نزیکەکانی ئەگەر کاری وای نەکردایە و لە ژیاندا بمایە ، زۆر ئاسۆی روونی لە بەردەم بوو ، ژنێکی گەنج  وجوان و خاوەن کارو هەموو پێویستیەک بووە  .

دوای رووداوەکە 2 کەس دەستگیر کران
دوای رووداوەکە بنکەی پۆلیسی بازیان کە شوێنی رووداوەکە بووە دەستی کرد بە لێکۆڵینەوەو پا شان فایلی لێکۆڵینەوە کەوتە دادگای سلێمانی .
 دایکی سایە بە ناوی (ئ) لە دادگای لێکۆڵینەوەی سلێمانی داوای یاسایی لە سەرهەر یەکە لە توانا عوسمان هاوسەری پێشووی سایە و (ژ) کچە مامی سایە تۆمارکردووە ، بە تۆمەتی خیانەتی هاوسەریی و هاندان بۆخۆ کوشتنی سایە ، بە پێی مادەی 408 بە بڕیاری دادوەر بۆ ماوەی چەند رۆژێک  دەستگیر کران و پاشان بە کەفالەت ئازاد کران، ئەمە جگە لەوەی (ژ) لە سەرەتای رووداوەکەدا بۆ ماوەی چەند رۆژیک لە شێڵتەرێکی ژنان بۆ پارێزگاریی کردن لە ژیانی لە سەر داوای کەسوکاری خۆی داڵدە درا بەوتەی کەسێکی نزیکی خۆی " بردنی ژ بۆ ئەو شەڵتەرە بۆ ئەوە بووە ، نەوەک لە گەرمەی رووداوەکەدا زیانی پێ بکەوێ بە پێی ئەو کێشانەی کە پێشوتر هەبوون."
وتی " چونکە ئێمە بڕوامان بە پاکی ئەو کچە هەیە و مێردەکەی خۆی(ع) هیچ گومانێکی لێی نیە و تەنانەت پارێزەری بۆ گرتووە،، هیچ جۆرە کێشەیەکیش لە نێوان ئەوو مێردەکەیدا رووینەداوە، ئەگەر یەک تۆز گومانمان بکردایە ئەو ژنە بەو شێوەیە لە ماڵی خۆیدا بەرگری لێنەدەکرا ."

لە بارەی ئەوەی بە پێی قسەو باس دەوترێ (ژ) تەڵاق دراوە ، ئەو کەسە نزیکەی وتی"تەڵاق لە دادگایە و لای دادوەرە ،، هیچ شتێکی لەم شێو‌ەیە لە بارەی ئەوەوە لە دادگادا نیە ."

هەوڵدان بۆ گۆڕینی ئیفادەو بە لاڕێدا بردنی کەیسەکە :
 بە پێی باسەکان لە بنکەی پۆلسی و دادگا شدا ئەگەر چی دادوەر تا ئێستا هیچ لێدوانیک نادا ،، هەوڵ هەبووە بۆ بە لاڕێدا بردنی کەیسەکە ، بەڵام لایەنەکانی کە ئیفادەیان هەبووە لە و کەیسەدا ئامادە نەبوون هیچ لەمبارەیەوە بڵێن .

نهێنی :

لە کەیسی (خۆ کوشتنی ) سایەدا ، کە تا رۆژانی دواییش گومان هەبوو(خۆ کوشتن ) بێ یان (کوشتن ) ،، بەڵام وردە وردە بە پێی ئەو زانیاریانەی لە دەزگا پەیوەندیدارەکانەوە دەست دەکەون ، بە لای (خۆکوشتندا ) خەریکە یەکلایی دەبێتەوە  و ئەمەش لە بەرژەوەندی هەموو کەسانی داوا لە سەر کراوەوەیە  لە رووداوەکە ،، عەمید سەرکەوت بەڕێوەبەری بە دواداچوونی توندوتیژی دژی ژنان لە سلێمانی ، دەڵێ" ئەو پەنجەی سایە کە دەمانچەکەی پێ تەقاندووە ، بە پێی بە دواداچوونمان بۆ راپۆرتی داد پزیشکی شین هەڵگەڕاوە و سوتاوە ئەمەش نیشانەیەکە لە نیشانەکانی خۆکوشتنی ،چونکە ئەوەی دەمانچە  بە خۆیدا دەتەقێنێ ، تووشی ئەو حاڵەتە دەبێ."

نهێنی لەو  دەمانچەیەدایە ، کە سایە لە ناوجانتاکەیدا دەریهێناوە کاتێک لە دوای نیوەڕۆی رۆژی رووداوەکەدا گەیشتووەتە ماڵی مامی ، نازانرێ ، سەرچاوەی ئەو دەمانچەیە کێیە و لە کوێوە بە دەستی هێناوە ، بە وتەی هاوسەری  پێشووی سایە ، دەمانچەکە لە جۆری بیکارۆف بووە ، حەوت گولە دەخوا ، کەسی شارەزا دەتوانێ ، گولەیەکیش لە دەمەکەیدا دابنێ و لە کاتی تەقاندنیدا ، ئەو گولەیە بتەقێتەوە ، بە وتەی ئەو سایە بەو تاکە گولەیە مردووە ، کە دەشێ کەسێکی شارەزا بۆ ی ئامادە کردبێ ، هەر حەوت گولەکەی تێدا ماوەتەوە،،،ئەویش دەپرسێ کێ ئەو دەمانچەی داوەتێ و پێی وایە لە وانەیە لە رێی گفتوگۆ تەلەفونیەکانەوە ، بتوانرێ ئەمە بزانرێ ،،،بە وتەی پۆلیس داوای گفتوگۆی تەلەفونی شەش مانگی دوایی سایە لە ئاسیا سێڵ کراوە  .

چوونی سایە بۆ ماڵی مامی ئەویش نهێنیەکی  زۆریی تێدایە ، مام هادی مامی دەڵێ لێم روون نیە سایە بۆ هات ،،"

هەرچەندە زۆرێک لە وتەکان دەڵێن  " سایە چووە (ژ) ی کچە مامی بکوژێ و ئینجا خۆشی بکوژێ ،، بەڵام ئەوەی  نەکردووە و تەنیا خۆی کوشتووە ،، "بە پێی ئەو داوایەی کە دایکی سایە لە دادگای سلێمانی تۆماری کردووە ،  دژ بە هاوسەری پێشووی سایە  وکچە مامی (ژ ) یە گوایە ئەوان تاوانبارن بە خیانەتی هاوسەریی کە هاندەر بووە بۆ خۆکوشتنی سایە  .

 بەڵام ماڵی مام هادی ئەمە رەت دەکەنەوە و  دەڵێن " سایە بە هیچ جۆرێک نەهاتبوو کەسێک لێرە بکوژێ ، چونکە ئەگەر  ئەوەی بویستایە دەیتوانی هەر هەموومان بکوژێ ،، چونکە ئەو دەمانچەیەکی ئامادە کراوی پێ بوو ، ئێمە هەر هاتنەکەشی لە ناکاو بوو بۆمان ."

(ژ) رەتی دەکاتەوە کە هیچ جۆرە شتێکی لەو شێوەیە روویدابێ دەڵێ" ئێمە ئامۆزا بووین  و هاوڕێی منداڵی ،، دواتر هەندیک کێشە کەوتە نێوان خۆیی مێردەکەی من هەموو هەوڵێکم دا کە بۆ ی چارەسەر بکەم ،، رەخنەم لە هەردووکیشیان هەبوو ، بەڵام لە هەندێک شتدا کە وتم هەق بە مێردەکەتە ، کەوتە تاوانبار کردنی من  و  بەر لە سێ مانگ پێش رووداوەکە ئێمە پەیوەندیمان پچڕا ،،چونکە باوکم زانی و گوێی لێ بوو سایە دەیوت ، تەلەفونت بۆ مێردەکەم کردووە ،. باوکم وتی ، با ئاسیا سێڵ ئەو پەیوەندییانە بگرێ ،، ئەگەر وا بوو من سزا ی کچەکەم دەدەم ئیتر سایە وس بوو ،چونکە  هیچی وا نەبوو ، تەنیا خەیاڵی خۆی بوو ،، لەو کاتەوە پەیوەندیمان پچڕا."

دەڵێ" لە رۆژی رووداوەکەدا کە هات دوای ئەوە بۆ یەکەمجار بینیمە وە هەندێک گلەیی کرد لە ژیانی خۆیی و وتی لە گەڵ هاوسەرەکەم جیابوومەوە و لە دوامەوە خشە خشێکی لێوە هات کە هاتە پێشەوە بینیم دەمانچەیەکی پێیە و لە سەر خۆی رایگرتوە ودەڵێ خۆم دەکوژم ، منیش هاواری  باوکمم کرد ،چونکە  هێزم نەشکایە سەری  و باوکم هات لە دەستی وەرگرت و لە ناو کتێبخانەکەی دانا ،، سایەی دانا  وزۆر ئامۆژگاری کرد سارد بووە و  وتی ، بەقسەتان دەکەم ."

مام هادی دەڵێ" پێم وت لاپەڕەیەکی نوێ لە ژیانی بکاتەو ە و دەوامی خۆی بکات و خەریکی ژیانی خۆی بێ تەڵاق شتێکی وا گەورە نیە ، لە وانەیە ژیانی داهاتووی خۆشتر بێ و زۆر قەناعەتی هات ، تا ئەو رادە یەی ئەگەر بیوتایە دەمانچەکەم بدەمەوە دەمدایەوە."

بەڵام دەڵێ" لە چاو تروکانێکدا هەستا ، هەستانەکەیم لە بەر چاو نەماوە ، تەنیا ئەو دەستەیم لە بەر چاوە کە بردی بۆ دەمانچەکە و چووە دەرەوە ، تا گەیشتمە سەری  کەوتبوو، "
دەڵێ " من یەکسەر دەما نچەکەم هەڵگرتوو گولەکانیم لێ بەتاڵ کرد ، وتم نەوەک لە خۆی بداتەوە ،،حەوت  گولەی تێدا بوو ،بەڵام کە تەماشام کرد ، زانیم کە کۆتایی ژیانیەتی ئەوەبوو دواتر بەرەو سلێمانیان بردو لە رێیگادا  تووشی رووداوی ئۆتۆمۆبیلیش بوو گیانی سپارد .

بەوتەی بەڕێوە بەری بە دوا داچوونی توندوتیژی دژی ژنانی سلێمانی ، گرفتی سەرەکی لیکۆڵینەوەکان لە کوردستان ، تێست کردنی جێ پەنجە یە لە کاتی رووداوەکاندا ، بە وتەی ئەو جاری وا هەیە ، ئەو تێستە دەنێررێتە ئێران یان وڵاتانی تر و دوای چەند مانگێک دەگەڕێتەوە ، یاخود خەڵکەکە کە رووداوێک دەبێ هوشیاری نیە و پاش تاوانەکە چەندان کە س دەست لە کەلوپەلەکان دەدەن ،، چەند دەستی لێدرابێ لێکۆڵینەوەو ئەنجامەکانی ئاڵۆزتر دەبن ،، بۆیە وتی " ئەگەر مامی سایە دەستی لە دەمانچەکە دابێ ،، ئەمەش بۆ لێکۆڵینەوە ئاڵۆزی دەهێنێتە پێشەوە."
ئەوەبوو مامی تەئکیدی کردەوە کە دەستی لە دەمانچەکە داوە و گولەکانی بەتاڵ کردووە.

ماوەیەک لە تەنیاییدا :

دوای ئەوەی سایە و هاوسەرەکەی دەست بە مامەڵەی جیابوونەوە دەکەن ،، بە وتەی (ت) جیابوونەوەکەیان زۆرمەدەنیانە و ئارەزوومەندانە بووە دەڵێ" جیابوونەوەیەکی خولعی ئارەزوومەندانە بوو ،، ئەوە ی کە من پێم بەخشی  بە وتەی هەموو ئەوانەی ئامادەبوون کەس نەبووە بیبەخشێ  ،، سێ دەفتەر دۆلار و  ئۆتۆمۆ بێل ، ڤیزای ئەروپاشم بۆ دابین کرد ، تا لەوێ لە گەڵ منداڵەکەیدا پشووبدات ، یان ئەگەر بیەوێ بشمێنێتەوە ،، ماوەیەک ماڵەکەشم بۆ چۆڵ کرد ."

هەروەها دەڵێ" لە کاتی جیابوونەوەمان حەوت کەس ئامادەبوون ، لە برای من و برای ئەویش ئامادەبوون ،، هەتا وتی من دەمەوێ شەرەفی ئەوەم هەبێ خۆم یەکەمجار ئیمزای کەم و خۆی ئیمزای کرد بەر لەمن ."
دەڵێ" تەنیا من ئەو ژنەم تەڵاق داوە ، وا بزانم تەڵاقیش تاوان نیە ، ئەگەر نا کورتەنامەکانیشم ئێستا لە  دادگا ن کە ئامادە بووم هەموو هاوکاریەکی بکەم ،، بۆ ئەو تاوانەی کە دراویشەتە پاڵم ، ئەوا لە دوا نامەیدا باسی من دەکات ."
لەو ماوەیە دا کە سایە لە ماڵەکەدا بە تەنیا ماوەتەوە ،، بە وتەی هاوسەرەکەیی و کەسانی تریش ، خەمۆکی پێ‌ە دیار بووە ، هەر وەک لە دوا نامەکەشدا ،  خۆی لە بارودۆخی دژواری خۆی دەدوێ  ، کە دوای تەڵاقەکە ، بێنە وا یە و ئیتر هەر لەو نامەیەدا  ئاماژە بە پێشوازیکردن لە مەرگ و خۆکوشتنی خۆی دەکات ،، (ت) دەڵێ " زیاد لە سێجار برای سایەم  لەو بارودۆخەی ئاگادار کردووەتەوە ، کە ئاگایان لێ بێ گرنگی پێ بدەن ، تا وتوومە " با نەبێ بە مەلەوانە درۆزنەکە ، هەر ئاماژە بە خۆکوشتنی خۆی بکات و کەس بڕوای پێنەکات ."

ماڵی مامی سایە  کە شانۆی خۆکوشتنەکەی بووە ،لە وبڕوایەدا بوون ، ئەگەر سایە لەو ماوەیەدا ، کە بەتەنیا ماوەتەوە ، دڵنەوایی زۆریی بکرایە  لە وانەی بارودۆخەکە بە شێوەیەکی تر بووایە ،، بوتەی (ژ) ئەو هاودەمی نزیکی بووە و بەڵام بە هۆی کێشەکانی کە ئاماژەیان پێدرا ، سێ مانگ بووە ، هیچ پەیوەندیەکیان نەبووە.

نامەیەک ئەگەری ئەوەی هەیە پێشبینیەکانی پێشوو بگۆڕێ( دوو نامەی جیاواز) :

بە پێی دوا نامەی بەر لەمەرگی سایە ، کە وێنەیەکی لای (کوردستان ئۆنلاین) ە ، تیایدا ئاماژە دەدات بە وەی کە هاوسەرەکەی هاسەرێکی باش بووە بۆی ، ئەو خۆی کەسێکی مونفەعیل بووە بەنووسینی خۆی ، نەیتوانیووە زاڵ بێت بە سەر خۆیدا و کیشەی بۆ ئەو هاسەرەی دروست کردووە ، هاوڕێیەکی باشیش بووە بۆی .

سایە 12 رۆژ بەر لەرووداوەکە و دەڵێ "هەفتەیەکە جیابووینەتەوە "  ، دوای ئەوەی هاوسەری پێشووی لە سەفەرێکی کورت دەگەڕێتەوە ، نامەیەکی دەگەیەنێتی ،، هاوسەرەی پێشوی و زۆرێک لە وانە ی لە لێکۆڵینەوەو رووداوەکەوە نزیکن ، پێشبینی دەکەن ، کە ئەم نامەیە سەر  لە بەری پێشبینیەکانی پێشوو بگۆڕێ ،، کە زیاتر مەزەندە دەکرا ، هاوسەرەکەی بە شێو‌ەیەک لە شێوەکان تاوانبار بکرێ بە هاندان بە ئەو کوشتنە ،، جگە لەوەی لە لایەن  بنەماڵەی سایەوە هەندێک بنووسین وتۆمار  بۆ بەهێز کردنی داواکە یان دراوەتە دادگا ،، بە پێی هاسەرەکەی" ئەم نامەیە ئەو بەڵگانە هەمووی هەڵدەوەشێنێتەوە ،، " هەروەها دەڵێ" لەم نامەیەدا دان بەوەدا دەنێ کە من نەک هەر هاسەرێکی چاک بووم ، بەڵکو هەموو ئەرکەکانم وەک مێردو براو باوک بەرامبەر ئەو جێبەجێ کردووە ."

(ت) نکوڵی لەوە ناکات کە لا دوو ساڵی دواییدا کێشەی زۆریان هە بوو ە تا لە دواییدا ئەو ئامادە بووە ، هەموو هاوکاریەکی بکات ، بەڵام ئامادە نەبووە وەک هاوسەر لە گەڵیدا بمینێتەوە هەندێک لە هۆکارەکانیشی باس کرد، بەڵام ئێمە نامانەوێ لێرەدا ئاماژەیان پێبدەین  ، بۆ رێزگرتن لە  گیانی و لە کاتێکدا خۆی ئامادە نیە بەرگریی لە خۆی بکات ،  گەلێک کەسیش لە هاوڕێیانیان نێوانگیریی کردوون ، تا کێشەکانیان چارەسەر بکەن ، بەڵام زۆر لە هاوڕێیانەیان  ، کە دواندمانن کێشە  کانیان بە  کێشەی ئاسایی نێوان ژن و مێردەکان وەسف کرد.
تەنانەت میانگیریی سەرەکی کە (ژ) کچە ئامۆزای سایەیە و ئێستا داوای لە سەرە بە هاندان بۆ کوشتن ،،هەروا  وەسفی کێشەکانی کرد کە ئاسایی بوون.

لە بڕگەکانی ئەو نامەیەدا سایە زۆر بە روونی ئاماژە بۆ مەرگ و خۆکوشتنی دەکات ،، بەڵام خۆی لە زۆر لە کێشەکان بە رپرس دەکات و داوای لێبوردن لە هاوسەرەکەی دەکات .

هێشتا هەر پرسیار ە لیکۆڵینەوە بە کوێ دەگات و ئەو نامەیە چی دەگۆڕێ؟ یان بەڵگەکانی تری کە لە لایەن کەسوکاریەوە دراونەتە دادگا ، هێزیان لە بەرامبەر هێزی ئەو نامەیەدا  چەندە ؟بەڵگە و ئاسەوارەکانی تری رووداوەکە  چی دەڵێن ؟