کوردستان ئۆنلاین : حسێن شەهرستانی وەزیری نەوتی عێراق رایگەیاند ، پێویستە لێکۆلینەوە لە گەڵ بەرپرسانی کورد  بکرێ ، لە سەر  بە قاچاخ ناردنە دەرەوەی نەوت.

لە وەڵامی تاوانبارکردنیا ندا، بەرپرسانی حکومەتی هەرێم کاوە مەحمود بە ناوی وتەبێژی حکومەتی هەرێم و ئاشتی هەورامی وەزیری نەوت و سامانە سروشتیەکان ، رەتی دەکەنەوە ،کە ئەو کارە نایاسایی بووبێ ،دەڵێن ، ئەوەی نێررواوەتە دەرەوە ، زیادەیە لە بەش و پێویستی هەرێمی کوردستان و بەرهەمەکانی نەوتە ، لە بەنزین و نەوتی سپی.

شەهرستانی داوا دەکات لێکۆڵینەوە لە گەڵ بەرپرسانی ئەو کارە بکرێ و رایگەیاندووە " ئەگەر کاریکی وا بکرێ ئیتر رۆڵی حکومەتی عێراق چیە و سندوقی پەرەپێدان کە پێویستە داهاتەکانی نەوتی تێ بکرێ بۆ چیە ؟!."

لە لایەکی ترەوە وتە بێژێک بە ناوی باڵیۆزخانەی ئەمریکا نیگەرانی خۆی لە بە قاچاخ ناردنە دەرەوەی نەوت لە کورستانەوە ، دەربڕیووە ، وتویەتی " ئەوە سزای نێو دەوڵەتی لە سەرە ،چونکە ئێران خۆی لە ژێر باری سزای نێودەوڵەتیدایە ."

لە لایەکی ترەوە عەبدوڵای مەلا نوری ئەندامی لیژنەی سامانە سروشتیەکان لە  پەرلەمانی کوردستان ، کە لە سەر لیستی گۆڕانە ، کارەکە بە قاچاخ  وبە بێ یاسایی وەسف دەکات.

جێی باسە دوێنێ حکومەتی هەرێم  بڕیاری دا کە ناردنە دەرەوەی نەوت جگە لە بۆریە نەوتی جیهان -کەرکوک قەدەغە بکرێ.

بە وتەی عەبدوڵای مەلا نوری نە حکومەتی بەغدا و نە حکومەتی هەرێم ئاگاداری ئەو بە قاچاخ بردنەی نەوت نین .