به‌غداد/  ئه‌ندامێكی‌ په‌رله‌مانی‌ عێراق له‌ به‌ره‌ی‌ ته‌وافوق رایگه‌یاند كۆبوونه‌وه‌ی‌ ئه‌مڕۆ یه‌كشه‌ممه‌ی‌ نوێنه‌ری‌ فراكسیۆنه‌كان به‌ سه‌رۆكایه‌تیی‌ فوئاد مه‌عسوم كۆتایی‌ هات‌و تێیدا بڕیاردرا دانیشتنه‌كه‌ هه‌تا سێشه‌ممه‌ی‌ داهاتوو به‌ كراوه‌یی‌ بمێنێته‌وه‌.

سه‌لیم عه‌بدوڵا ‌ رایگه‌یاند “كۆبوونه‌وه‌ی‌ نوێنه‌ری‌ فراكسیۆنه‌كان كۆتایی‌ هات‌و بڕیاردرا دانیشتنه‌كه‌ هه‌تا سێشه‌ممه‌ی‌ داهاتوو به‌ كراوه‌یی‌ بمێنێته‌وه‌، ئه‌وكات دانیشتنێك سازده‌كرێت‌و تێیدا دانیشتنه‌ كراوه‌كه‌ كۆتایی‌ پێده‌هێنرێت”.

ناوبراو رونیشیكرده‌وه‌ كه‌ له‌ هه‌مان دانیشتندا “سازدانی‌ دانیشتنێكی‌ نوێ‌ تاووتوێ‌ ده‌كرێت بۆ هه‌ڵبژاردنی‌ ده‌سته‌ی‌ سه‌رۆكایه‌تیی‌ هه‌میشه‌یی‌ په‌رله‌مان”.