بەیاننامە:
فەرمانى دەستگیرکردنى نووسەر و مێژوونووسی ناسراوى تورک (ئیسماعیل بێشکچى) لەلایەن دەوڵەتى تورکیاوە بەتوندی ئیدانە دەکەینء پێمان وایە ئەمە هەنگاوێکى مەترسیدارە بۆ ئەو بەرنامەیەى کرانەوەیەى کە دەوڵەتى تورکیا بەرامبەر بە دۆزى کورد لەو وڵاتەدا بەنیازبوو جێبەجێی بکات، لە هەمانکاتیشدا گورزێکى کوشندەیە بۆ دیموکراتیەت لەتورکیاو رۆژهەڵاتى ناوەڕاستیشدا.
لەبارودۆخێکى سیاسی ناجێگیرى وەک رۆژهەڵاتى ناوەڕاست کە گەلى کورد بووتە قوربانى هێزە داگیرکەرەکانى ناوچەکەو شەڕی سەلماندى ناسنامەکەى دەکات زۆرێک لە نووسەرانء رۆشنبیرانى نەتەوەکانى عەرەبء تورکء فارس دژى خواستە نیشتیمانىء نەتەوەییەکانى کورد وەستاونەتەوە و بەپێی ئایدۆلۆژیاى دەسەڵاتى دەوڵەتەکەیان لەکێشەى کوردیان روانیوە، بەڵام لەم نێوەدەدا کۆمەڵێک نووسەر و رۆشنبیری دیار هەن کە بە تێڕوانینێکى جیاوازتر بۆ کێشەى نەتەوەی کوردیان روانیوەو سەرسەختانە لەگەڵ سەلماندی مافەکانى گەلەکەماندا بوون، دیارترینیان رۆشنبیرو مێژوونووسی ناسراوى تورک (ئیسماعیل بێشکچی)یە کەتێزە سیاسیء فکرییەکانى زۆر پاڵپشتبوون بۆ گەلى کورد و دۆزە رەواکەى، لەم پێناوەشدا لەرابردوودا توشى کێشەى راوەدونانء گرتنء سەرئیشە دروستکردن بۆتەوە.
بۆیە بۆ ئێمەى نووسەرانء رۆشنبیرانء رۆژنامەنوسانى کورد جێگەى نیگەرانیە کە دەوڵەتی تورکیا بەو جۆرە مامەڵە لەگەڵ ئەو کەسایەتیەدا بکات، لەم روانگەیەشەوە داوا لەکاربەدەستانى تورکیا دەکەین بەو فەرمانى دەستگیرکردنەدا بچێتەوە، چونکە دەستگیرکردنى کەسایەتیەکى وەک (ئیسماعیل بێشکچى) زیان دەگەیەنێت بەسومعەى سیاسی دەوڵەتى تورکیا و دەرفەتى کرانەوەو چارەسەرکردنى دۆزى کورد لە تورکیا پەکدەخات.

ئاسۆس هەردى
رێبین هەردى
عارف قوربانى
ئەحمەد میرە
کەمال رەئوف
شوان محەمەد
هەڤاڵ ئەبوبەکر
لەتیف فاتیح فەرەج
ئازاد چالاک
ئەنوەر حوسێن (بازگر)
دانا عەسکەر
هۆشیار عەبدوڵڵا
هێمن باقر
سەردار محەمەد
کاژاو جەمال
شوان داودی
پشتیوان جەمال
هەڵگورد سەمەد
محمەد مێرگەسوری
کەمال چۆمانى
زانکۆ ئەحمەد
ئارا ئیبراهیم
ئیبراهیم عەلى